沈殷怡 | 全台合法動物醫院

沈殷怡畢業後，曾經喺香港嘅律師樓做咗一年實習生，不過佢發現自己對演藝工作有興趣。2018年佢畀ViuTV劇集監製發掘，加入咗ViuTV拍劇同做節目主持。佢2019年憑演出劇集《詭 ...

沈殷怡（粵拼：sam2 jan1 ji4，英文：Shirley Sham；1994年6月22號—），係香港女藝人，2014年中國地球小姐冠軍，2018年開始幫香港免費電視台ViuTV拍節目。

沈殷怡喺香港出世，阿爸沈仲平係退咗休嘅前律政司副刑事檢控專員、首席政府律師、執業大律師[2][3]。

沈殷怡先後讀聖士提反女子中學附屬小學同聖保羅男女中學，之後憑住香港中學文憑試攞到4科5**嘅成績，考到全額獎學金升讀上海復旦大學法律系，攞到中國大陸執業律師資格，畢業後返香港入咗香港中文大學讀法學碩士。

沈殷怡畢業後，曾經喺香港嘅律師樓做咗一年實習生，不過佢發現自己對演藝工作有興趣。2018年佢畀ViuTV劇集監製發掘，加入咗ViuTV拍劇同做節目主持。佢2019年憑演出劇集《詭探前傳》做鄭少秋角色個女而開始畀觀眾留意[4]，之後再喺2020年頭憑演出綜藝節目《辣伙頭》同《美女郊遊遊》而人氣急升，畀網民封做「女神」[5]。

沈殷怡同另一位ViuTV藝員余逸思喺中學時期因為聯校劇團活動而相識，但自從沈去咗上海升學後兩人就一度無再聯絡[6]，直到余沈兩人先後2016年同2018年加入ViuTV先至見返面，不過要到2020年頭播嘅《辣伙頭》同《金剛旅神團》先至開始有機會同場演出，而佢哋喺2020年4月展開咗閨蜜同居生活[7]。

另外，沈殷怡同演員陳欣妍因為2020年嘅《辣伙頭》結緣，其中一集佢哋兩個被安排合作比賽，喺事前唔熟識嘅情況下表現出默契，更受到觀眾歡迎，而兩位英文名都叫「Shirley」，所以被叫做「Double S」[8]。而電視台亦食住個勢幫佢哋兩位開拍新節目《美女郊遊遊》[9]，令佢哋再度合作[10]。雖然呢對螢幕拍檔都幾受觀眾歡迎，不過兩位亦承認佢哋鏡頭背後嘅關係其實只係普普通通[11]。