b豬初會dr tint | 全台合法動物醫院

2011年3月21日—...都唔驚話唔收新症而求助無門.10年12月23日,初會drtinto既大日子到la...佢同亞b一樣,都係腳唔好,要打骨針!等咗差不多成個鐘,終於到我哋la!

2010年,好多狗友o既小狗都身體不適,其中有幾位,仲因為睇開o既醫生放假,又或者一時間book唔到專科醫生,而搞到拖延咗病程

而我都知亞b對腳仔一直都唔係幾好,為咗唔想臨渴先嚟掘井,終於的起心肝,去book好有名睇骨科o既dr.tint,希望先有個record,萬一第日有咩事,都唔驚話"唔收新症"而求助無門

10年12月23日,初會dr tint o既大日子到la

呢間診所比我o既感覺都幾良好,門口登記o既姑娘,同等睇醫生o既家長都好有禮貌,仲有傾有講添~ 不過即使約咗,但等候o既時間都幾長.......

第一次去,就遇到黃日華帶埋佢啱啱領養o既八哥嚟覆診! 佢同亞b一樣,都係腳唔好,要打骨針!

等咗差不多成個鐘,終於到我哋la! 醫生檢查完亞b,除咗話佢個樣好後生之外,就係話佢後腳兩個菠蘿蓋有移位問題,而菠蘿蓋已經可以左右走位,所以已經係第三級la   不過佢話以亞b呢個年紀,都唔係話好意外. 當日即刻開始咗打骨針(作用近似WD40,可以即時潤滑返關節位)o既療程,每星期一次,每次一針,連打4星期. 然後,睇吓效果如何,先再睇吓有無需要再打....

另外,補品亦都唔少得! 以後每日要食一粒丸丸,主要成份都係葡萄糖胺,都係對軟骨組織好有幫助o既!

醫生話,其實發覺狗狗無咁活躍,或者唔願行,已經幾肯定佢哋關節有問題(當然要先 make sure 佢哋唔係有其他唔舒服la),或者已經有關節痛! 如果到狗狗有"吉"腳問題,隻狗應該已經痛得好緊要! 而松鼠狗好多都有先天o既關節問題,所以如果屋企有養松鼠,真係要多多注意佢哋!!

其實好在亞b平時唔跳,又無話"企"lee d 壞習慣,所以到10歲先明顯有關節問題~ 不過醫生再三提醒(同npv o既施醫生一樣),一定要keep住佢哋唔可以肥,咁先係最效治療關節o既方法! 如果狗狗太肥,腳仔長時間受壓力,咁就算你食咩補品,做咩療...